அவளுக்காக...

அவளுக்காக...

கோபம் வந்தால்

கசக்கி தூக்கி எறிகிறாய்,
குப்பைத் தொட்டியில்

காகிதமாய் கண்ணீர்

சிந்திக்கொண்டே...,

பாசம் வந்தால்

குப்பைத் தொட்டியின்

அருகே குடித்தனம்

இருக்கிறாய்,

குழந்தையாக ......

கோபத்தில் முகம் சிவந்தால்

என் மனைவியாகிறாய் ,

ஆசையில் மனம் மகிழ்ந்தால்

என் மழலையாகிறாய்..

உன் கண்ணீர் பட்டால்

நான் நனைந்து போகிறேன்

இல்லை இல்லை

நான் அணைந்து போகிறேன்..

மாறிவிட்டேன் என்கிறாய்

ஆமாம்

உன் பித்தனாக இருந்தேன்

பக்தனாக மாறிவிட்டேன்..

விண்ணின் ஒரு துளி நீர்

ஊற்றெடுக்காது ,

உன் விழியின் ஒரு துளி

பாறை என்னுள்ளே

ஈரம் கசிய செய்கிறது..

ஒருவர் அன்புக்கு மற்றவர்

ஏங்கி அழுகின்றனர் காதலர்கள்,

ஆனால்

அவர்களின் காதலோ???

இன்பத்தில் களியாட்டம்

ஆடிக் கொண்டிருக்கிறது..

தனக்கு அழிவில்லை என்பதை எண்ணி...

-கி.ரஞ்சித்குமார்.